बीड : राज्यातील ऊसतोड कामगारांच्या मजुरीत वाढ करण्याचा प्रश्न सध्या चर्चेत आहे. यावर अद्याप निर्णय होऊ (Beed) शकलेला नाही. या प्रश्नावर तोडगा काढण्यासाठी राष्ट्रवादीचे नेते शरद पवार (Sharad Pawar) आणि भाजप नेत्या पंकजा मुंडे यांच्यामध्ये बैठक होणार आहे. या बैठकीत चर्चा करून निर्णय घेण्यात येणार आहे. (Maharashtra News)

राज्यातील ऊसतोड कामगारांच्या मजुरीत दरवाढ करण्याचा अंतिम निर्णय राष्ट्रवादीचे नेते शरद पवार आणि ऊसतोड कामगारांच्या नेत्या पंकजा मुंडे (Pankaja Munde) यांचा लवाद घेणार. याबाबतचा निर्णय साखर संघ व (Sugarcane) ऊसतोड कामगार संघटनांच्या झालेल्या बैठकीत सर्वानुमते घेण्यात आला होता. याच अनुषंगाने ही बैठक घेऊन मजुरीबाबत तोडगा काढला जाणार.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

४ जानेवारीला शिर्डीत बैठक 

ऊसतोड कामगारांच्या दरवाढीचा अंतिम निर्णय शरद पवार - पंकजा मुंडे यांचा लवाद घेणार असल्यामुळे ४ जानेवारीला पवार आणि मुंडे यांची बैठक शिर्डीत होणार आहे. या बैठकीत ऊस तोडणी व वाहतूक कामगार संघटनेचे दोन- दोन प्रतिनिधी देखील उपस्थित राहतील.