योगेश काशिद, साम प्रतिनिधी

बीड जिल्ह्यातील मस्साजोग गावाचे माजी सरपंच संतोष देशमुख यांच्या हत्येप्रकरणातील मुख्य आरोपी वाल्मीक कराडबाबत मोठी बातमी समोर आलीय. हत्याप्रकरणात तुरुंगात असलेले वाल्मीक कराड बाहेर येणार असल्याची चर्चा सुरू झालीय. या प्रकरणी आमदार धनंजय मुंडे यांच्या एका निकटवर्तीय व्यक्तीची कॉल रेकॉर्डिंग व्हायरल झालीय. यात वाल्मीक कराड लवकरच बाहेर असल्याचा दावा करण्यात आलाय.

व्हायरल झालेली कॉल रेकॉर्डिंग ही परळीतील माजी नगराध्यक्ष आणि माजी मंत्री धनंजय मुंडे यांचे निकटवर्तीय बाजीराव धर्माधिकारी यांची आहे. व्हायरल कॉल रेकॉर्डिंग मध्ये वाल्मीक अण्णा सुटणार आहे. अण्णांची बेल होणार आहे. सगळं व्यवस्थित होणार आहे, धर्माधिकारी बोलत असल्याच ऐकून येत आहे. दिपक देशमुख हे मुंडेंच्या रडारवर असल्याचं म्हटलं जात आहे. दीपकला सोडा तो साहेबांच्या रडारवर आहे, अशा आशेची कॉल रेकॉर्डिंग व्हायरल होत आहे.

व्हायरल कॉल रेकॉर्डिंगमधील संवाद

मुंडेंचं निकटवर्तीय भैय्यासाहेब- हा सुनिलराव...!

भैय्यासाहेब-- बोला की भैय्यासाहेब, काय चूक झाली माजी

सुनील मस्के - नाही नाही, तुमची चूक नाही. ते काय झालं, अध्यक्षपदाला आपलंच चालवलं या, फक्त नगरसेवकाला नाही चालवलंय, अभिमान भावानं मला निरोप दिला होता.

भैय्यासाहेब- ते म्हणलं माजं काय चुकलं? आता आपण सर्व जिवाभावाचे सर्वजण, फोटो द्यायचीच गरज नव्हती तिकडे.

सुनील मस्के - नाही नाही, त्या नगरसेवकाला बार बार, आम्हाला कोणाला विश्वासात घेतलं नाही.

भैय्यासाहेब- मी अध्यक्ष असल्यावर तुम्हाला नगरसेवकाची काय गरज आहे.

सुनील मस्के - नाही ते नगरसेवक असल्यापासून मागील आठ वर्षापासून आम्हाला काहीच दिली नाही.

भैय्यासाहेब- ते आहे पण तुमचीच वहिणीसाहेब आता नगराध्यक्षा होणार आहेत ना.

सुनील मस्के- होना , होणारच आहे की.

भैय्यासाहेब- नका फिरू त्या दिपकसोबत आता. ते साहेबांच्या रडारवर आलंय.

सुनील मस्के- हो हो.

भैय्यासाहेब- आता कसं वाल्मीक अण्णाची बेल होणार आहे, सर्वकाही होणार आहे. बघितलं ना मागे काय झालं.

सुनील मस्के - हो.

भैय्यासाहेब- त्याला सरळ बोला, माझा फक्त निवडणुकीपर्यंत विषय होता.

सुनील मस्के - बरं बरं.

भैय्यासाहेब- झालं म्हणावं माझं आणि भैय्यासाहेबाचे संबंध आहेत म्हणावं. ते नाराज होत आहेत. त्यांना डारेक्ट सांगा ते नाराज होत आहेत.

सुनील मस्के - हो हो

भैय्यासाहेब- आपल्याला कामं करून घ्यायची आहेत. आपल्याला नगरपरिषद आधी मधील रजिस्ट्रिया करून घ्यायचे आहेत.

सुनील मस्के- नाही, साहेब ते नगरसेवकाची माणसे आहेत.

भैय्यासाहेब- आहो मी आहे ना, माझी टीम म्हणून काम करा ना तुम्ही.

( टीप- या व्हायरल कॉल रेकॉर्डिंगची सत्यता साम टीव्हीनं पडताळून पाहिलेली नाही. याला दुजोरा देत नाहीत.)

या कॉल रेकॉर्डिंगनंतर दीपक देशमुख यांनी प्रतिक्रिया दिलीय. आपल्या जीवाला धोका असल्याचं त्यांनी पत्रकार परिषदेत म्हटलंय. परळी पोलीस संबंधित कॉल रेकॉर्डिंग संदर्भात तक्रार घ्यायला तयार नाहीत. माझ्या जीवाला अशा लोकांपासून धोका आहे. या व्यक्तींची मला एकट्यालाच भीती नसून यांचं न ऐकून घेणाऱ्यांना जे माझ्यासोबत निवडणुकीला उभे आहेत या सर्वांनाच भीती आहे. हे जसं म्हणतील तसंच ऐकावं लागतं हम करे सो कायदा असा नियम आहे. दीपक देशमुख धनंजय मुंडे यांच्या रडारवर आहे असे संबंधित कॉल रेकॉर्डिंग मध्ये म्हटलं जातंय.