बीड : बीड बसस्थानकातून कर्नाटकला जाण्यासाठी प्रवाशांनी रात्री एकच गर्दी केली होती. बसमध्ये (St Bus) जवळपास १०० च्या वर प्रवाशांना धोकादायक प्रवास करावा लागला. (Letest Marathi News)

महाराष्‍ट्र– कर्नाटक (Karnataka) सिमा वाद सुरू असताना बीड (Beed) बसस्‍थानकातून कर्नाटकला जात असलेल्‍या प्रवाशांची मोठी गर्दी होती. मिळेल तिथे उभे राहून दोन हाताने लटकून प्रवासी आपला जीव मुठीत घेऊन कर्नाटक सरकारच्या बसमध्ये प्रवास करत आहेत. विशेष म्हणजे यावेळी बसमध्ये मेंढरं कोंडल्यासारखे प्रवासी उभा ठाकले होते. हा धक्कादायक प्रकार साम टीव्हीच्या कॅमेऱ्यात कैद झाला आहे.

ऊसतोड कामगार प्रवाशी

प्रवाशांना विचारले असता यातील अनेक प्रवाशी हे ऊसतोड कामगार असल्याचे समोर आले. ऊसतोडीच्या ६ महिन्याच्या काळात कामगारांना असाच प्रवास करावा लागत असल्याचे देखील काहींनी सांगितले. त्यामुळे महाराष्ट्र सरकारने ऊसतोडीच्या या ६ महिन्याच्या कार्यकाळात कर्नाटकला विशेष बस सोडाव्यात. अशी मागणी प्रवाशांनी केलीय.