बीड : जुन्या आर्थिक वादातून दगडाने मारहाण करून वृद्धाचा खुन केल्‍याची घटना घडली होती. या प्रकरणात दोषी असलेल्‍या पती-पत्नीला (Beed) बीडच्या अंबाजोगाई सत्र न्यायालयाचे जन्मठेपेची शिक्षा सुनावली आहे. (Maharashtra News)

अंबाजोगाई (Ambajogai) तालुक्यातील राक्षसवाडीत येथे गेल्या 6 वर्षांपूर्वी बळीराम दाजीबा वाघमोडे (वय 80) यांना जुन्या आर्थिक वादातून काठीने (Crime News) मारहाण केली. यात बळीराम यांच्या डोक्यात दगड घातल्याने उपचारादरम्यान त्यांचा मृत्यू झाला होता. याप्रकरणी अंबाजोगाई ग्रामीण पोलिस (Police) ठाण्यात खुनाचा गुन्हा दाखल करण्यात आला होता.

पती– पत्‍नीला जन्‍मठेप

दरम्यान न्यायालयाने आरोपी रामप्रसाद आणि पत्नी आशाबाई गडदे यांना दोषी ठरवले. साक्ष व पुरावे झाल्यानंतर अंबाजोगाई सत्र न्यायालयाचे न्या. डी. डी. खोचे यांनी पती-पत्नीला जन्मठेपेची शिक्षा सुनावली आहे.