बीड : बीडच्या आष्टीमध्ये एक धक्कादायक प्रकार समोर आला. चक्क भाजपच्या (BJP) नेत्यानेच बालविवाह (Child Marriage) लावल्याची घटना समोर आली आहे. या धक्‍कादायक प्रकारात ३२ जणांवर गुन्हा दाखल केला आहे. (Maharashtra News)

बालविवाह रोखण्याचे पोलिसांसमोर आव्‍हान आहे. बीड जिल्‍ह्यामध्‍येच गेल्‍या महिनाभरात ३० अधिक बालविवाह रोखण्यात आले आहेत. तरी देखील बीडच्‍या आष्‍टी तालुक्‍यात बालविवाह पार पडल्‍याचा प्रकार समोर आला आहे. विशेष म्‍हणजे भाजप नेत्‍यानेच हा विवाह लावून दिल्‍याचे समोर आले आहे.

ग्रामसेवकाने दिली फिर्याद

आष्टी तालुक्यातील वेताळवाडीमध्ये हा बालविवाह लावण्यात आला. याप्रकरणी आता भाजप नेता विजय गोल्हार (Beed) यांच्यासह नवरी व नवरदेवाचे आई- वडिल, फोटोग्राफर, आचारी, भटजी यांच्यासह ३२ लोकांवर ग्रामसेवक शंकर मुरलीधर म्हेत्रे यांच्या फिर्यादीवरून आष्टी पोलीस ठाण्यात गुन्हा दाखल करण्यात आला आहे. दरम्यान भाजप नेते विजय गोल्हार हे माजी जिल्हा परिषद अध्यक्ष सविता गोल्हार यांचे पती असून ते स्वतः देखील नेता आहेत.