बीड : बीड (Beed) जिल्ह्यात मागच्‍या अकरा महिन्यांत तब्बल ६९२ जण बेपत्ता झाल्याची धक्कादायक माहिती समोर आली आहे. बेपत्ता होणाऱ्यात महिला व मुलींचे प्रमाण अधिक असून त्या तुलनेने पुरुषांची संख्या कमी आहे. यामध्ये प्रेमप्रकरणांतून धूम स्टाईल पलायन केलेल्या महिला-मुली अन्‌ तरुण पुरुषांची संख्या अधिक आहे. तर हे बेपत्ता तरुण- तरुणी मोठमोठ्या शहरात असल्याचा अंदाज आहे. (beed-news-In-last-eleven-months-692-people-missing- More-love-affair)

काही कारणात्‍सव घरातून न सांगता अनेकजण पळून जात असतात. यात काहीजण अगदी शुल्‍लक कारणावरून देखील गायब होत असतात. या पलायनाची प्रेमप्रकरणासोबतच कौटुंबिक कलह, दारिद्र्य, व्यसनाधीनता व वाईट तरुण- तरुणींच्या कौटुंबिक संगत आहेत.

५६३ सापडले

गेल्या अकरा महिन्यात नोव्हेंबर अखेर ४१९ महिला-मुली व २७३ तरुण मुले व पुरुष बेपत्ता झाले आहेत. तर यापैकी ५६३ जणांचा शोध लावण्यात पोलिसांना यश आलंय. मात्र अद्यापही ८३ महिला-मुली व ४६ तरुण मुले- पुरुष बेपत्ता आहेत. दरम्यान न सापडलेल्या व्यक्तींचा शोध घेत असल्याची माहिती पोलीस (Police) सूत्रांनी दिलीय.

कोणत्या महिन्यात किती बेपत्ता

जानेवारी - 68

फेब्रुवारी - 70

मार्च - 68

एप्रिल - 46

मे - 40

जून - 71

जुलै - 45

ऑगस्ट - 74

सप्टेंबर - 69

ऑक्टोबर - 67

नोव्हेंबर - 44