बीड : ग्रामपंचायत निवडणुकीसाठी उमेदवारी अर्ज दाखल करण्याचा आजचा एकच दिवस आहे. बीडच्या (Beed) आष्टी तहसिल कार्यालयात ऑफलाईन उमेदवारी अर्ज दाखल करण्यासाठी मोठी गर्दी जमा झाली आहे. (Maharashtra News)

ग्रामपंचायत (Gram Panchayat) निवडणूकीसाठी अर्ज भरण्याची प्रक्रीया सुरू आहे. ऑनलाईन अर्ज भरण्यात अडचणी येत असल्‍याने ऑफलाइन अर्ज भरले जात आहेत. यात काल गर्दीमध्ये पोलिस (Police) प्रशासन व उमेदवार अर्ज दाखल करण्यासाठी येणाऱ्या नागरिकांमध्ये बाचाबाची झाली होती. यामुळं काहीकाळ तणावाचे वातावण निर्माण झाले होते.

पोलिस बंदोबस्‍त

आज मात्र पोलिसांनी तगडा बंदोबस्त ठेवला आहे. ऑनलाइन अर्ज दाखल करण्यात तांत्रिक अडचण येत असल्याने काल दुपारपासून ऑफलाईन अर्ज स्विकारण्याचे निवडणूक निर्णय अधिकारी विनोद गुंडमवार यांनी जाहिर केले आहे. दरम्यान कालपासून उमेदवारांनी प्रचंड गर्दी केली. यामुळे पोलीस अन्‌ उमेदवारांमध्ये बाचाबाजी होत असल्याचे देखील प्रकार घडत आहेत.