बीड : मराठा आरक्षणानंतर धनगर समाजाने आरक्षणासाठी आंदोलनाचे हत्यार उपसले आहे. या आंदोलनात (Beed) बीडच्या माजलगाव येथे रास्ता रोको आंदोलन करण्यात आले. पण या आंदोलनाला गालबोट लागले असून या आंदोलना दरम्यान पोलीस (Police) अधिकाऱ्यांना धक्काबुकी झाल्याचा प्रकार समोर आला आहे. (Breaking Marathi News)

बीडच्या माजलगाव येथे धनगर आरक्षणाच्या रस्ता रोको आंदोलन करण्यात येत होते. रास्ता रोको आंदोलनात धनगर समाज (Dhangar Reservation) मोठ्या संख्येने सहभागी झाले होते. मात्र या आंदोलनाला गालबोट लागले आहे. रास्ता रोको सुरू असताना रिक्षा चालक रिक्षा घेवून निघाला असताना रस्ता रोको करणाऱ्या काहीनी हुल्लडबाजी करत तरुणांनी रिक्षा चालकाला बेदम मारहाण केली. पोलीस अधिकाऱ्याला देखील धक्काबुक्की करण्यात आली. त्यामुळे रस्ता रोको दरम्यान काही काळ तणावाचे वातावरण निर्माण झाले होते. 

आंदोलक ताब्यात 

आंदोलनातील या प्रकारानंतर पोलिसांनी आंदोलकांना ताब्यात घेतले असून गुन्हा दाखल करण्याची प्रक्रिया सुरू आहे. बीडच्या माजलगाव जवळील परभणी चौकात धनगर आरक्षणाच्या मागणीसाठी रस्ता रोको सुरू असताना हा प्रकार घडलाय.