बीड : विधानसभा निवडणुकीचा प्रचार अंतिम टप्प्यात असून मतदारसंघात विजयाचा दावा केला जात आहे. यातच खासदार बजरंग सोनवणे यांनी देखील विजय निश्चित असल्याचे सांगत बीड जिल्ह्यात लोकसभेची पुनरावृत्ती होणार आणि तुतारी वाजणारच असा विश्वास त्यांनी व्यक्त केला.

विधानसभा निवडणुकीच्या मतदानाला आता काही दिवस शिल्लक राहिले आहेत. यामुळे प्रचार अगदी शिगेला पोहचला आहे. त्यानुसार महाविकास आघाडीच्या (Mahavikas Aaghadi) उमेदवाराच्या प्रचारासाठी आलेले खासदार बजरंग सोनवणे यांनी बीड जिल्ह्यात विजय निश्चित असल्याचे सांगितले. बीड जिल्ह्यात लोकसभेची पुनरावृत्ती होणार आणि तुतारी वाजणारच असा विश्वास बीडचे खासदार बजरंग सोनवणे (Bajarang Sonawane) यांनी व्यक्त केला. 

बीड जिल्ह्यात तुतारी वाजण्याचा विश्वास खासदार सोनवणे यांनी व्यक्त केल्यानंतर आष्टीत ना जातीसाठी ना धर्मासाठी मतदार मतदान करणार; तर आष्टी मतदार संघाच्या विकासासाठी मतदान केले जाणार असं म्हणत महाविकास आघाडीचे आष्टी मतदार संघाचे उमेदवार महेबूब शेख यांनी विजयाचा विश्वास व्यक्त केला आहे.