विनोद जिरे

बीड: शासकीय रुग्णालयात उपचारासाठी आलेल्या 50 वर्षीय महिले सोबत, चक्क डॉक्टरानेचं अश्लील वर्तन केल्याचा धक्कादायक प्रकार बीडच्या (Beed) नेकनूर येथे उघडकीस आलाय. या प्रकारामुळे खळबळ उडाली असून डॉक्टरी (Doctor) पेशाला काळिमा फासणाऱ्या डॉक्टरवर कारवाईची मागणी केली जात आहे. ज्या महिलेसोबत हा प्रकार घडला तिने वैद्यकीय अधीक्षकाला घडलेल्या सर्व प्रकाराची आपबिती सांगितलीय. तर या घटनेने वैद्यकीय सेवेवर प्रश्नचिन्ह निर्माण केले जात आहेत. (Beed Crime News)

बीडच्या नेकनूर येथील कुटीर रुग्णालयामध्ये, पायाला खाज सुटल्याने उपचारासाठी आलेल्या महिलेला, तपासणी करण्याच्या बहाण्याने घेऊन जात, आतून कडी लावून अश्लील वर्तन केल्याचा आरोप महिलेने केलाय. या रुग्णालयात आयुष वैद्यकीय अधिकारी डॉ.अशोक बांगर याने हा प्रकार केला असून दारूच्या नशेत त्याने हे दुष्कृत्य केल्याचा देखील आरोप करण्यात आलाय.

हे देखील पहा-

या संदर्भात पीडित 50 वर्षीय महिलेने तिच्या सोबत घडलेला प्रकार वैद्यकीय अधीक्षक डॉ शिंदे यांना सांगितला. यानंतर या डॉक्टर विरोधात जिल्हा शल्यचिकित्सक यांच्याकडे तक्रार केली असल्याचे डॉक्टर शिंदे यांनी सांगितलय. दरम्यान या घटनेने बीडमध्ये खळबळ उडाली असून सदरील डॉक्टर बांगर यांच्यावर कारवाईची मागणी केली आहे.