बीड : गुप्तधन काढण्यासाठी कन्याबळी द्यावा लागेल. यासाठी बापाकडेच पोटच्या १६ वर्षाची मुलीची मागणी करण्यात आल्याचा धक्कादायक प्रकार समोर आला आहे. मुलीचा बळी देवून गुप्तधन (Crime News) काढतो, असं सांगणाऱ्या एका भोंदूबाबाविरोधात (Beed) बीडच्या अंमळनेर पोलीस ठाण्यात गुन्हा दाखल करण्यात आला आहे. (Maharashtra News)

बीड जिल्ह्यातील पाटोदा तालुक्यातील कोतन या गावातील दादाराव घोशिर या भोंदूबाबाने पुणे येथे असलेले गुप्तधन काढायचे आहे. त्यासाठी गावातील व्यक्तीला तुमची १६ वर्षाची मुलगी मला द्या, तिला सजवायचे आहे, नटवायचे आहे आणि तिचा बळी द्यायचा आहे. मग गुप्तधन मिळेल, त्यातील काही धन तुम्हाला देतो असे प्रलोभन दाखवले. तसेच ही गोष्ट कोणाला सांगितली, तर तुमच्या घरादाराला नष्ट करू, अशी धमकी देखील या भोंदूबाबाने दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यानंतर दक्ष असलेल्या या व्यक्तीने थेट अंमळनेर पोलीस (Police) ठाणे गाठून भोंदूबाबाविरोधात तक्रार केली. गुप्तधनासाठी कन्याबळी देण्याचा हा प्रकार तर नाही ना? असा प्रश्न उपस्थित केला जात आहे. त्याचबरोबर अनुचित प्रकार घडू नये; म्हणून कोतन गावच्या गावकऱ्यांनी बैठक घेऊन या संदर्भात पोलीस प्रशासनाला देखील कळवले आहे. मात्र या घटनेमुळे कोतन गावांमध्ये भीतीचे वातावरण आहे.