Trader Killed In Dharur: बीड जिल्हा पुन्हा एकदा खुनाच्या घटनेने हादरला आहे. बीडमध्ये सलग दुसऱ्या दिवशी खुनाची घटना घडली आहे. किरकोळ कारणावरून 40 वर्षीय सराफा व्यापाऱ्याचा खून केल्याची धक्कादायक घटना बीडच्या धारूरजवळ घडली आहे. नितीन मोहन धोत्रे (वय 40 वर्षे) असं खून झालेल्या सराफा व्यापाऱ्याचे नाव आहे.

बीड जिल्ह्यात गेल्या 4 दिवसातील तिसरी ही खूनाची तिसरी घटना आहे. या तीन घटनांमुळे बीडमध्ये खळबळ उडाली आहे. मिळालेल्या माहितीनुसार नितीन धोत्रे यांचे धारूर शहरात सराफा दुकान आहे. मयत मोहन धोत्रे इतर काही जणांमध्ये काल सायंकाळी वाद झाले होते. या वादात नितीन धोत्रे यांची हत्या करण्यात आली. (Breaking News)

भर रस्त्यावर झालेल्या या खुनाच्या घटनेमुळे धारूरमध्ये खळबळ उडाली आहे. या प्रकरणांमध्ये नातेवाईकांनी पोलीसात धाव घेवून आरोपीस अटक करण्याची मागणी केली आहे. धारूर पोलिसांनी या प्रकरणात एकाला ताब्यात घेतले आहे. या प्रकरणी गुन्हा नोंद करण्याची प्रक्रिया उशिरापर्यंत सुरू होती. (Latest Political News)

दरम्यान मयत नितीन धोत्रे आणि आरोपींमध्ये नेमके भांडण कशामुळं झालं आणि आरोपींनी नेमकी हत्या का केली हे अद्याप समजू शकले नाही. पोलीस या प्रकरणी पुढील तपास करत आहेत. (Latest Marathi News)