बीड : पत्नीचा खून करून पतीने स्वतः पोलीस स्टेशनमध्ये येऊन मी माझ्या पत्नीचा खून (Crime News) केला आहे. अशी कबुली दिल्याचां धक्कादायक प्रकार (Beed) बीडच्या धावज्याचीवाडी गावत उघडकीस आला आहे. मंगल भोसले अस मयत महिलेच नाव आहे. (Maharashtra News)

बीड जिल्ह्यातील धावज्याचीवाडी गावात गुंडिराम व मंगला भोसले हा वास्तव्यास होते. गोठ्यामध्ये काम करत असताना पती गुंडीराम भोसले याने खोऱ्याच्या दांड्याने मंगल भोसले यांचा खून केला. पत्नीचा खून केल्यानंतर मृतदेह तिथेच सोडून गुंडीराम भोसले हा नेकनूर पोलीस (Police) स्टेशनमध्ये पोहचला. येथे येऊन "साहेब मी माझ्या बायकोला मारून आलोय, मला अटक करा", असे सांगीतले. 

हत्येचे कारण अस्पष्ट 

यानंतर पोलिसांनी ताबडतोब घटनास्थळी धाव घेतली असता मंगल भोसले यांचा मृतदेह आढळून आला. मयत मंगल भोसले यांना एक मुलगी आणि एक मुलगा आहे. दरम्यान खून का केला ? याचे कारण अद्याप अस्पष्ट आहे. नेकनूर पोलीस या घटनेचा तपास करत आहे.