Beed Latest Marathi News

बीड जिल्ह्यातील माजलगाव तालुक्यातून एक धक्कादायक घटना समोर आली आहे. लोणगाव येथील एका ३५ वर्षीय ग्रामसेवकाने गळफास घेऊन आपली जीवनयात्रा संपवली आहे. रवींद्र सर्जेराव पवार, असं आत्महत्या केलेल्या ग्रामसेवकाचे नाव आहे. या घटनेमुळे परिसरात एकाच खळबळ उडाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याप्रकरणी मयत रवींद्र पवार यांचा भाऊ सुनील पवार यांनी दिलेल्या फिर्यादीनुसार माजलगाव शहर (Beed News) पोलिसांनी सरपंचासह चौघांवर गुन्हा दाखल केला आहे. नारायण राऊत, (सरपंच लोणगाव) आसाराम आलाट (ग्रा.प सदस्य) अशी गुन्हा दाखल झालेल्या आरोपींची नावे आहेत.

याशिवाय ग्रामपंचायत ऑपरेटर आणि लिपीक यांच्यावरही गुन्हा दाखल करण्यात आला आहे. सुनील पवार यांनी पोलिसांत दिलेल्या फिर्यादीनुसार, लोणगावचे सरपंच नारायण राऊत, ग्रा.पं. सदस्य आसाराम आलाट, ऑपरेटर आगे व लिपिक सिद्दीकी यांनी रवींद्र पवार यांना धमकी देऊन बेकायदेशीर कामे करून घेतली होती. (Latest Marathi News)

त्यामुळे व्यथित होऊन पवार यांनी गळफास घेऊन आत्महत्या केली. दोन महिन्यांपूर्वीच त्यांची माजलगाव पंचायत समितीत बदली झाली होती. त्यांना बेकायदेशीर- कामासाठी वरील चौघांनी दबाव आणला. नोकरी जाण्याच्या चिंतेतून पवार यांनी आत्महत्या केली, असं फिर्यादीत म्हटले आहे.