Solapur St Bus Accident News:

सोलापूरच्या बार्शीतून अपघाताची भीषण घटना समोर आली आहे. बार्शीवरून धाराशिवकडे जाणाऱ्या एसटी बसच्या भीषण अपघात झाला आहे. या अपघातात दोन दुचाकीस्वारांचा जागीच मृत्यू झाला आहे. या अपघातानंतर एसटी बस रस्त्याच्या कडेला कलंडली. बार्शी-धाराशिव महामार्गांवर हा अपघात झाला आहे. (Latest Marathi News)

मिळालेल्या माहितीनुसार, बार्शी-धाराशीव महामार्गांवर विचित्र अपघात झाला असून या अपघातात दोन जण जागीच ठार झाले आहेत.बार्शीहून धाराशिवकडे जाणाऱ्या एसटी बस आणि दुचाकी मोटारसायकलमध्ये हा अपघात झाला आहे. एसटी बस देखील रस्त्याच्या कडेला एका बाजूला कलंडली. या अपघातात एसटी बसमधील प्रवासी देखील जखमी झाले आहेत.

अपघात नेमक कुठे झाला?

बार्शी - धाराशीव महामार्गावरील तांदुळवाडी जवळील सुयेश विद्यालया नजीक हा विचित्र अपघात झाला आहे. बार्शीहुन धाराशीवकडे जाणाऱ्या एसटी बसला अपघात झाला आहे. या अपघातात आणखी किती जणांचा मृत्यू झालाय, हे अधिकृतरित्या समजू शकले नाही.

पूर्णा-शिंगणापूर महामार्गावर अपघात

पूर्णा शिंगणापूर या राष्ट्रीय महामार्गावर अपघात सत्र सुरुच आहे. याच रस्त्यावर आज गुरुवारी टेम्पो आणि कारची समोरासमोर धडक झाल्याची घटना घडली. या घटनेमध्ये दोघे जण गंभीरित्या जखमी झाले आहे. टेम्पोमधील एक जण किरकोळ जखमी झाला आहे.

अपघातामधील जखमींना पुढील उपचारासाठी रुग्णालयात हलविण्यात आलं आहे. या महामार्गावर किरकोळ आणि गंभीर स्वरूपाचे अपघाताची संख्या मोठ्या प्रमाणात वाढली आहे. त्यामुळे प्रशासनाने याकडे लक्ष देऊन उपाययोजना कराव्यात, अशी मागणी आता वाहन चालकांकडून होत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)