बारामती : पाण्याच्या जारचा धक्का लागला म्हणून दोन मुलांना मारहाण केल्याची घटना बारामती जिल्ह्यातील भिगवण येथे घडली. यानंतर दोन गट भिडल्याने तणावाचे वातावरण निर्माण झाले होते. या प्रकरणी भिगवण पोलिसात १६ जणांवर ॲट्रॉसिटीअंतर्गत गुन्हा दाखल करण्यात आला आहे. तर भिगवण बंद ठेवत आरोपींच्या अटकेची मागणी करण्यात आली आहे. 

बारामती (Baramati) जिल्ह्यातील भिगवण येथे १७ सप्टेंबरला कार्यक्रम असल्याने दोन जण पिण्याच्या पाण्याचे जार आणण्यासाठी गेले होते. दरम्यान पाणी आणण्यासाठी गेलेल्या दोन अल्पवयीन मुलांकडून पाण्याच्या जारचा धक्का लागला. या कारणातून दोन्ही मुलांना मारहाण करण्यात आली होती. या प्रकरणानंतर भिगवण पोलिसांत तक्रार दाखल करण्यात आली होती. या तक्रारीवरून १६ जणांवर ॲट्रॉसिटी अंतर्गत गुन्हा दाखल करण्यात आला असून एकास अटक करण्यात आली आहे. 

भिगवणमध्ये कडकडीत बंद 

सदर घटनेत मारहाण करण्यात आलेल्यांमधील एका जणाला (Police) पोलिसांनी ताब्यात घेतले आहे. मात्र अन्य मारहाण करणारे अद्याप सापडलेले नाहीत. यामुळे उर्वरित आरोपींना अटक करण्याच्या मागणीसाठी आज भिगवणमध्ये बंद पाळण्यात आला असून निषेध मोर्चा देखील काढण्यात आला.