बारामती पोटनिवडणूक बिनविरोध होणार नाही
करुणा मुंडे निवडणूक लढवणार
करुणा मुंडेंनी सुनेत्रा पवारांना दिलं आव्हान
काँग्रेसने आकाश मोरेंना दिली उमेदवारी
बारामती पोटनिवडणुकीसाठी राज्याच्या उपमुख्यमंत्री सुनेत्रा पवार यांनी आज आपला उमेदवारी अर्द दाखल केला. सुनेत्रा पवार यांच्याविरोधात उभे राहिलेल्या ओबीसी नेते लक्ष्मण हाके यांनी निवडणुकीतून माघार घेतली. सुनेत्रा पवार यांच्याविरोधात काँग्रेसने आकाश मोरे यांना उमेदवारी दिली आहे. आता करुणा मुंडे या देखील बारामतीतून निवडणूक लढवणार आहेत. थोड्याच वेळात ते आपला उमेदवारी अर्ज दाखल करणार आहेत. त्यामुळे बारामतीमधील पोट निवडणूक बिनविरोध होणार नसल्याचे जवळपास निश्चित झाले आहे.
करुणा मुंडे या बारामतीमध्ये उमेदवारी अर्ज दाखल करण्यासाठी आल्या आहेत. बारामतीची पोटनिवडणूक करुणा मुंडे लढवणार असल्यामुळे अनेकांनी भुवया उंचावल्या आहेत. करुणा मुंडे यांनी उमेदवारी अर्ज भरण्यापूर्वी साम टीव्हीशी संवाद साधला. यावेळी त्यांनी सांगितले की, 'लोकशाही टिकवण्यासाठी मी ही निवडणूक लढणार आहे. बारामतीतील शेतकरी, सामान्य माणसाच्या विकासासाठी ही निवडणूक लढवणार आहे. मी बारामती पाहिली नाही त्यामुळे विकास काय झाला आहे हे मला माहिती नाही. पण अनेक बारामतीकर माझ्याकडे आले आहेत. त्यामुळे मी निवडणूक लढवत आहे. निवडणूक बिनविरोध करावी असं कुठे लिहिलेलं नाही.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.