जालना : बऱ्याचदा संगीताच्या तालावर मोह न आवरता ठेका धरणारे आणि मनमुराद नाचणारे अनेक राजकीय नेते आपण पाहिले असतील. काँग्रेसचे प्रदेशाध्यक्ष नाना पटोले यांनी देखील आज जालन्यात बंजारा संगीतावर ठेका धरल्याचे पाहायला मिळाले.

हे देखील पहा -

नाना पटोले आज जालना जिल्ह्याच्या दौऱ्यावर आहेत. या दौऱ्यात पटोले यांचा जालना शहरात आणि वाटूर येथे काँग्रेस पदाधिकारी आणि कार्यकर्त्यांच्या वतीने भव्य सत्कार आयोजित करण्यात आला होता. या कार्यक्रमानंतर पटोले यांनी मंठा येथे 'काँग्रेस आपल्या दारी' या कार्यक्रमाला हजेरी लावली. काँग्रेसचे आमदार राजेश राठोड यांनी आयोजीत केलेल्या या कार्यक्रमात पटोले यांचं बंजारा समाजाच्या वतीने जोरदार स्वागत करण्यात आलं.

या स्वागत सोहळ्यात बंजारा समाजबांधवांनी पारंपारीक नृत्य सादर करत आणि ढोल वाजवत पटोले यांचं स्वागत केलं. या स्वागत सोहळ्यात पटोले यांनी स्वतः ढोल वाजवत बंजारा नृत्य सादर करत उपस्थितांचा आनंद वाढवला. स्वागत सोहळ्यात सहभागी झालेल्या पटोले यांच्या सोबतच्या कार्यकर्त्यांनी देखील त्यांच्यासोबत बंजारा नृत्य केलं.

Edited By : Krushnarav Sathe