राज्याला हादरवणाऱ्या नागपूर दंगलीबाबत धक्कादायक माहिती उघड झाली आहे. या दंगलीचं थेट बांगलादेश कनेक्शन समोर आलं आहे. मात्र हे कनेक्शन नेमकं कसं आहे? तपासात कोणत्या बाबी समोर आल्यात? पाहूयात या विशेष रिपोर्टमधून.

नागपूर दंगल प्रकरणात नवा ट्विस्ट आला आहे. या दंगलीचं थेट बांगलादेशी दहशतवादी संघटनांशी कनेक्शन असल्याचं पोलीस तपासात समोर आलं आहे. अभी तो सिर्फ अटॅक हुआ है, अशी पोस्टही समोर आली आहे. त्यामुळे ही माहिती समोर आल्यानंतर पोलीस आणि गुप्तचर यंत्रणा अलर्ट मोडवर आली आहे, तर मास्टरमाईंड फहीमसह ६ आरोपींवर देशद्रोहाचा गुन्हा दाखल करण्यात आला आहे.

मात्र पोलीस तपासात कोणत्या गोष्टी समोर आल्यात?

बांगलादेशी दहशतवादी संघटनांचा राड्यात सहभाग असल्याचा ठपका

हिंसाचाराला कारणीभूत व्हिडीओ बांगलादेश आणि इतर देशातील

हिंसाचार भडकवणारे 172 व्हिडीओ पोलिसांच्या हाती

बांगलादेशातील आयपी अॅड्रेसवरुन व्हिडीओ व्हायरल झाल्याचं उघड

मोबाईल नंबर आणि आयपी अॅड्रेसवरुन तपास सुरू

ही माहिती समोर आल्यानंतर पोलीस यंत्रणा अधिक सतर्क झाली आहे.

आतापर्यंत देशातील हिंसाचारामागे पाकिस्तान कनेक्शन समोर येत होतं. मात्र पाकिस्तान पाठोपाठ आता बांगलादेशातील दहशतवादी संघटनाही भारतात हिंसाचार पसरवत असतील तर पोलीस यंत्रणा अधिक सतर्क असणं गरजेचं आहे. एवढंच नाही तर फहीम खानचा मोबाईल ताब्यात घेऊन पोलिस आणि गुप्तचर संस्थांनी बांगलादेशातील दहशतवादी संघटना आत्तापासून नेस्तनाबूत करण्याची गरज आहे.