Buldhana News :

शेतकऱ्यांच्या मागण्या मंजूर करा अन्यथा गाव, तालुक्यात पुढा-यांना बंदी करु असा इशारा स्वाभिमानी शेतकरी संघटनेचे नेते राजू शेट्टी (swabhimani shetkari sanghatana leader raju shetti) यांनी सरकारला दिला आहे. ते जळगाव जामोद येथे बाेलत हाेते. (Maharashtra News)

गेल्या 16 दिवसापासून शेतकऱ्याच्या प्रश्नावर स्वाभिमानी शेतकरी संघटनेच्या वतीने प्रदेशाध्यक्ष प्रशांत डिक्कर (prashant dikkar) यांच्या नेतृत्वात शेगाव ते जळगाव जामोद अशी आत्मक्लेश परिवर्तन पायी यात्रा काढण्यात आली होती. या पायी यात्रेचा समारोप राजू शेट्टी यांच्या उपस्थितीत जळगाव जामोद येथे करण्यात आला. त्यानंतर भव्य सभा झाली.

यावेळी राजू शेट्टींनी जर शेतकऱ्यांच्या मागण्या मंजूर केल्या नाहीत तर येत्या काळात सर्व पुढाऱ्यांना आमदार मंत्री यांना गाव बंदी करू असा इशारा सरकारला दिला. ते म्हणाले सरकारने पाम तेलाचा आयात कर कमी केल्याने सोयाबीनचे भाव धडाधड कोसळले. चुकीच्या धाेरणांमुळे शेतकरी आर्थिक संकटात सापडलेत. सरकारने धाेरणं बदलली नाहीत तर सरकारला धडा शिकवल्याशिवाय राहणार नाही असा इशारा देखील शेट्टींनी दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar