पंढरपूर : उजनी धरणाच्या (ujani dam) पाणी प्रश्नावर सोलापूर (solapur) जिल्ह्यातील शेतकरी वर्गासह विविध संघटना आक्रमक झाल्या आहेत. बळीराजा शेतकरी संघटनेने (baliraja shetkari sanghatana) देखील आता आंदोलनाचा (aandolan) पवित्रा घेतला आहे. (Jayant Patil News in Marathi)

इंदापूर (indapur) तालुक्यातील लाकडी निंबोडी उपसा सिंचन योजना रद्द करावी या मागणीसाठी बळीराजा शेतकरी संघटनेने येत्या एक जून पासून जलसंपदामंत्री जयंत पाटील (jayant patil) यांच्या निवासस्थाना समोर बेमुदत आंदोलन करण्याचा इशारा संघटनेचे प्रदेशाध्यक्ष नितीन बागल यांनी दिला.

बळीराजा संघटनेचे प्रदेशाध्यक्ष नितीन बागल यांच्या उपस्थितीत संघटनेची पंढरपुरात (pandharpur) नुकतीच बैठक झाली. या बैठकीत उजनीतून इंदापूर तालुक्यासाठी मंजूर करण्यात आले आलेले पाणी रद्द करण्याची मागणी कार्यकर्त्यांनी केली. यावेळी पालकमंत्री दत्तात्रय भरणे यांनी आपला मतदार संघ सुरक्षीत ठेवण्यासाठी सोलापूरचे पाणी पळवल्याचा आरोप नितीन बागल यांनी करुन आंदोलनाचा इशारा दिला आहे.

Edited By : Siddharth Latkar