Nagpur News : आमदार बच्चू कडू नाराज असल्याच्या चर्चा राजकीय वर्तुळात गेल्या काही महिन्यापासून सुरु आहे. त्यातच आता बच्चू कडू यांनी शेतकऱ्यांच्या विविध मागण्यांसाठी आज आंदोलन केलं. यावरुन बच्चू कडू नाराज असल्याच्या चर्चा पुन्हा सुरु झाल्या आहेत. याच मुद्द्यावरुन राज्याचे विरोधी पक्षनेते विजय वडेट्टीवार यांनी मोठं वक्तव्य केलं आहे.

बच्चू कडू यांचा या सरकारवर विश्वास राहिलेला नाही. त्यांना सत्य कळले आहे. त्यामुळे बच्चू कडू भविष्यात महाविकास आघाडीसोबत येतील, असा दावा विजय वडेट्टीवर यांनी केला आहे. (Latest Marathi News)

बच्चू कडूंचं आंदोलन

शेतकऱ्यांच्या विविध मागण्यासाठी आमदार बच्चू कडू यांनी अमरावती विभागीय आयुक्त कार्यालयावर एल्गार मोर्चा काढला. या मोर्चात बोलताना बच्चू कडू म्हणाले की, मी सरकारमध्ये आहे तर घरी बसू का? मला मुख्यमंत्री एकनाथ शिंदे यांनी सांगितल नाही की मोर्चे काढू नका. शेतकऱ्यांच्या छोट्या छोट्या मागण्यांसाठी आम्हाला सरकार पुढे हात पसरवावे लागत आहेत. (Political News)

शेतकऱ्यांच्या मागण्यासाठी मुख्यमंत्री एकनाथ शिंदे यांना भेटू व यात मागण्या पूर्ण न झाल्यास ३ महिन्याचा अवधी सरकारला देऊ. यातूनही मार्ग न निघाल्यास आगामी हिवाळी अधिवेशनात विशाल मोर्चा काढू, असा इशारा सरकारला दिला. तीन महिन्यांत पूर्ण महाराष्ट्र पिंजून काढू. सरकारवर दबाब निर्माण करण्यासाठी हा मोर्चा नाही, असंही बच्चू कडू स्पष्ट केलं. (Breaking Marathi News)