- अमर घटारे

Amravati :

नवीन वर्षी (marathi new year) शेतकऱ्यांवर मोठा आघात झाला आहे. अवकाळी पावसामुळे संत्रा उत्पादक शेतकऱ्यांचे नुकसान झाले आहे. शेतक-यांना मदत लाखात भेटणार नाही अशी अवस्था आहे असे बच्चू कडू यांनी अमरावती येथे नमूद केले. अमरावती जिल्ह्यामध्ये आज (मंगळवार) सकाळी अवकाळी पावसासह मुसळधार पाऊस व गारपीट झाली. त्यात शेती, फळबागांचे नुकसान झाले. कडू यांनी नुकसानग्रस्त भागात भेट दिल्यानंतर माध्यमांशी संवाद साधताना नुकसानीची पाहणी करण्यासाठी जिल्ह्याधिकारी यांच्याशी चर्चा केल्याचे कडू यांनी नमूद केले. (Maharashtra News)

अमरावती जिल्ह्यामध्ये आज सकाळी अवकाळी पावसासह मुसळधार पाऊस व गारपीट झाली. त्यामुळे चांदूरबाजार तालुक्यातील अनेक गावांना या गारपिटीचा मोठा फटका बसला आहे. या गारपिटीमुळे कापणीला आलेला गहू जमीनदोस्त झाला आहे.

गव्हाच्या पिकांमध्ये पाणीच पाणी दिसून येत आहे. संत्रा सुद्धा मोठ्या प्रमाणात खाली कोसळल्या असल्याने संत्रा उत्पादक शेतकऱ्यांचा मोठ्या प्रमाणात नुकसान झाले आहे. शेतकऱ्यांच्या हातात तोंडाशी आलेला आंबिया बाहारातील संत्रा पूर्णपणे गारपिटीमुळे जमिनीवर गळून पडला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यामुळे लाखो रुपये खर्च करून उभ केलेल्या संत्र्याचे पीक आता पूर्णपणे अडचणीत आले आहे. दरम्यान संत्रा पिकासाठी नवीन धोरण आखणे गरजेचे आहे असे आमदार बच्चू कडू यांनी साम टीव्हीशी बाेलताना नमूद केले.

Edited By : Siddharth Latkar