- रणजीत माजगांवकर

मुख्यमंत्री हे स्वत: रिक्षा चालक हाेते. आम्हांला आशा हाेती मुख्यमंत्री एकनाथ शिंदे आमची मागणी पूर्ण करतील परंतु कदाचित त्यांनी आमची धास्ती घेतल्याने त्यांचा काेल्हापूर रद्द झाला आहे अशी भावना काेल्हापूर येथील रिक्षा व्यावसायिकांनी साम टीव्हीशी बाेलताना व्यक्त केली. दरम्यान आज (मंगळवार) 16 हजार रिक्षा व्यावसायिकांनी रिक्षा बंद ठेवून पासिंगबाबतच्या दंड आकारणीच्या निर्णयाचा निषेध नाेंदविला.

कोल्हापूर जिल्ह्यातील 16 हजार रिक्षा संपावर गेल्या आहेत. रिक्षा सोबतच टॅक्सी आणि ट्रॅव्हल्स देखील संपात उतरल्या आहे. पासिंग दंडामध्ये प्रतिदिन 50 रुपये आकारण्याच्या विरोधात कोल्हापुरात वाहन चालकांनी हा संप पुकारला आहे.

कोल्हापूर शहर आणि जिल्ह्यातील सर्व रिक्षा बंद असल्यामुळे कोल्हापूर शहरात कामानिमित्त येणाऱ्या प्रवाशांचे मात्र हाल होत आहेत. त्यांना पर्याय म्हणून कोल्हापूर महानगरपालिकेच्या वतीने चालवण्यात येणाऱ्या केएमटी बसचा आधार घ्यावा लागत आहे.

Edited By : Siddharth Latkar