औरंगाबाद : औरंगाबाद (Aurangabad) शहरात तरुणाची छेड काढणाऱ्यांना टवाळखोरांना आत्महत्येचा बनाव केला. पीडित तरुणीने तक्रार केल्याने पोलिसांच्या (Police) भीतीने या टवळाखोराने आत्महत्येची अॅक्टिंग केली. मात्र पोलिसांनी क्षणार्धात तरुणाला वठणीवर आणलं आहे. साईनाथ असं या टवाळखोराचं नाव असल्याची माहिती मिळाली आहे.

मिळालेल्या माहितीनुसार, औरंगाबाद शहरातील सरस्वती भुवन या मुलींच्या वस्तीगृहाजवळ एका मुलीची एका टवाळखोराने छेड काढली. त्यानंतर या तरुणीने पोलिसांकडे धाव घेत घडलेल्या प्रकाराची तक्रार केली. पोलिसांनी तत्काळ पावलं उचलच छेड काढणाऱ्या तरुणाचा शोध सुरु केला. (Latest marathi News)

तरुण घटनास्थळी न मिळाल्याने पोलिस शोध घेत तरुणाच्या घरी पोहोचले. मात्र पोलीस घरी येणार असल्याची चाहूल लागल्याने तरुणाने गळफास घेत आत्महत्येचा बनाव केला.

साईनाथच्या खोलीत छताला साडी बांधलेली होती तर तो जमिनीवर झोपलेला होता. मात्र पोलिसांना संशय आल्याने त्यांनी त्याच्या अंगावर पाणी टाकले. यानंतर साईनाथची पोलखोल झाली तो घडा घडा बोलायला लागला. मात्र आत्महत्येच्या बनावाची माहिती मिळाल्याने तरुणीने आपली तक्रार मागे घेतली. त्यानंतर पोलिसांनी तरुणाला समज देत सोडून दिले आहे.