सोलापूर : सोलापूर येथील सोलापूर- विजयपूर रोडवर (Solapur-Vijaypur Road) तेरामैल औराद परिसरात आज पहाटे पावणे चार वाजेच्या सुमारास सोलापुरातील तिघांचा अपघातात मृत्यू (Death) झाला आहे. स्कॉर्पिओ (Scorpio) गाडी झाडाला धडकली आहे.

हे देखील पहा-

विजयपूर महामार्गवरील तेरा मैल या ठिकाणी पहाटे (MH-13 Z 9909) स्कॉर्पिओ गाडीतून औराद (Aurad) ते सोलापूर (Solapur) येथे येत असताना तेरा मैल जवळील वकील वस्ती येथील झाडाला गाडी धडकल्याने तिघेही जखमी झाले आहेत. या अपघातानंतर (accident) उपचारासाठी सिव्हिल हॉस्पिटल (Hospital) येथे त्यांना दाखल केले असता उपचारापूर्वीच त्या तिघांचा मृत्यू झाल्याची माहिती देण्यात आली आहे.

यामध्ये व्यंकटेश राम म्हेत्रे (वय-45, रा. मोदी), किशोर अण्णाराव भोसले (वय-45,सळई मारुती उ.कसबा), नितीन भगवान भांगे (वय-32, रा. निराळे वस्ती) असे तीन मृत्यू झाले आहेत. तसेच राकेश हुच्चे हा व्यक्ती गंभीर जखमी असल्याची माहिती मिळाली आहे.

Edited By- Digambar Jadhav