- अजय सोनवणे

Nashik News :

आशा स्वयंसेवका (asha worker latest marathi news) ,गट प्रवर्तक या गेल्या काही दिवसांपासून प्रलंबित मागण्यांच्या पुर्ततेसाठी संपावर गेल्या आहेत. सरकार त्यांच्या मागण्यांबाबत लक्ष देत नसल्याचा दावा करीत आज (बुधवार) त्यांनी नाशिक जिल्ह्याचे पालकमंत्री दादा भुसे (nashik guardian minister dada bhuse) यांच्या मालेगाव येथील कार्यालयावर धडक मोर्चा काढला. (Maharashtra News)

आशा व गटप्रवर्तक यांना दिवाळी भेट दोन हजार रुपये दिवाळी पूर्वीच देण्यात यावी, मानधनात 7 हजार रुपयांची वाढ मान्य केली असता त्याची अमलबजावणी करावी, ऑनलाईन गटप्रवर्तकांचे कामाची सक्ती थांबवावी या व अन्य मागण्यांसाठी सिटूच्या नेतृत्वाखाली मोर्चा काढण्यात आला.

पालकमंत्री दादा भुसे यांच्या कार्यालयावर काढण्यात आलेल्या मोर्चात नाशिक जिल्ह्यातील अनेक भागातून आशा स्वयंसेविका , गटप्रवतर्क सहभागी झाल्या होत्या. मंत्री भुसे हे नाशिकला असल्याने माेर्चेकरांची आणि मंत्री दादा भुसेंची भेट हाेऊ शकली नाही असे आंदाेलकांनी सांगितले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar