Arjun Khotkar : शिवसेना पक्ष आणि चिन्ह मिळाल्यानतंर शिंदे गटातील अनेक आमदारांनी उद्धव ठाकरेंवर कठोर शब्दात टीका केली आहे. मात्र आज शिवसेनेचे निष्ठावान समजले जाणारे माजी आमदार अर्जुन खोतकर यांनी देखील उद्धव ठाकरेंवर तोंडसुख घेतलंय.

अर्जून खोतकर यांनी आज शिवजयंतीच्या निमित्ताने माध्यमांशी संवाद साधला. यावेळी त्यांना शिवसेनेचे नाव आणि चिन्ह शिंदे गटाला मिळाल्याबाबात प्रश्न विचारण्यात आला. तेव्हा त्यांनी उद्धव ठाकरेंवर अप्रत्यक्ष टीका केली. (Latest Marathi News)

अर्जुन खोतकर म्हणाले, 'काल जो धनुष्यबाण आणि पक्षाचा निर्णय झाला, तो लाखो करोडो शिवसैनिकांच्या मनातील निर्णय झाला. शिवसेना ज्यांच्या दावणीला यांनी बांधली होती ते दोरखंड एकनाथ शिंदे यांनी तोडले आहेत' असे म्हणत खोतकर यांनी उद्धव ठाकरेंवर नाव न घेता बोचरी टीका केली आहे. (Latest Political News)

राऊतांच्या आरोपांकडे आम्ही दुर्लक्ष करतो - खोतकर

संजय राऊत यांनी केलेल्या 2000 कोटीच्या आरोपावर बोलताना खोतकर म्हणाले, संजय राऊत काय बोलतात हे महाराष्ट्राला माहीत आहे. संजय राऊत यांच्या आरोपांकडे आम्ही दुर्लक्ष करतो अशी प्रतिक्रिया यावेळी शिवसेनेचे उपनेते अर्जुन खोतकर यांनी केली आहे.