पंढरपूर: पंढरपूर जवळच्या उघडेवाडीत दलित अल्पवयीन मुलीवर लैंगिक अत्याचार झाल्याची संतापजनक घटना घडली आहे. याप्रकरणी तीन नराधमांना पोलिसांनी अटक केली असून पीडितीच्या आईने वेळापूर पोलीस ठाण्यात गुन्हा दाखल केला आहे. (Annoying! Sexual abuse of a Dalit minor girl in Pandharpur)

हे देखील पहा -

अकलूज जवळच्या वेळापूर पोलीस स्टेशन हद्दीतील उघडेवाडी गावात एका दलित अल्पवयीन मुलीवर तीन नराधमांनी लैंगिक अत्याचार केल्याचा धक्कादायक प्रकार समोर आला आहे. अल्पवयीन मुलगी सरकारी दवाखान्यात जात असताना या तीन नराधमांनी त्या अल्पवयीन मुलीला बाजूला असलेल्या एका आडोशाला नेऊन तिच्यावर बळजबरीने लैंगिक अत्याचार केले. याप्रकरणी पीडितीच्या आईने वेळापूर पोलीस ठाण्यात गुन्हा दाखल केला आहे.

याप्रकरणी पोलिसांनी संशयित आरोपी युवराज गोडसे, रणजीत कोळेकर व एका अनोळखी तरुण विरोधात सहलैंगिक अपराधापासून बालकांचे संरक्षण अधिनियम व अनुसूचित जाती जमाती अत्याचार कायद्याअंतर्गत संबंधित आरोपींविरोधात पोलिसांनी गुन्हा दाखल केला आहे. संबंधित तीन आरोपींना पंढरपूर येथील जिल्हा व सत्र न्यायालयासमोर हजर केले असता दोन दिवसांची पोलीस कोठडी सुनावण्यात आली आहे.

Edited By - Akshay Baisane