अहमदनगर : ज्येष्ठ समाज सेवक अण्णा हजारे ( Anna Hazare) यांचे उद्या होणारे उपोषण मागे घेण्यात आले आहे. अण्णा हजारेंच्या आंदोलनाबाबत त्यांनी आंदोलन करु नये असा निर्णय ग्राममसभेत एकमुखाने घेण्यात आला आहे.

ज्येष्ठ समाजसेवक अण्णा हजारे यांनी उपोषण करावं की नाही यासाठी राळेगणसिद्धी (Raleganasiddhi) येथे विशेष ग्रामसभेचे (Gram Sabha) आयोजन आज करण्यात करण्यात आले होते. या ग्रामसभेत सरकारने विक्री सुपर मार्केट आणि किराणा दुकानात वाईन विक्री करावी की नाही? आणि अण्णा हजारे यांनी उपोषणाला बसावं की नाही याबाबत ठराव मांडण्यासाठी ग्रामसभा झाली. या ठरावात सरकारने याबाबत घेतलेल्या निर्णयाचा पुनर्विचार करावा आणि अण्णा हजारे यांनी उपोषण करू नये; असा ठराव मंजूर करण्यात आला आहे.

या ग्रामसभेत सर्व ग्रामस्थांनी एकमुखाने आंदोलन करु नये असा ठराव मंजूर केल्याने राज्य सरकारने घतेलेल्या किराणा दुकानात वाईन विक्री निर्णयाच्या विरोधात उद्यापासून करण्यात येणार असलेले उपोषण आपण करणार नसल्याचं अण्णा हजारे यांनी जाहीर केलं आहे.

Edited By - Jagdish Patil