anandacha shidha scheme Big corruption Vijay Wadettiwar serious allegations against Shinde Fadnavis government Saam TV
महाराष्ट्र

Vijay Wadettiwar: 'आनंदाचा शिधा' योजनेत मोठा भ्रष्टाचार झाला, विजय वडेट्टीवारांचा गंभीर आरोप; चौकशीची मागणी

Vijay Wadettiwar News: गेल्या वर्षी दिवाळीमध्ये राज्य सरकारने गोरगरिबांना १०० रुपयांमध्ये आनंदाचा शिधा वाटप करण्यात आला होता.

Satish Daud

Anandacha Shidha Distribute: 'आनंदाचा शिधा' या राज्य सरकारच्या महत्वाच्या योजनेमध्ये मोठा भ्रष्टाचार झाल्याचा आरोप विधानसभेचे विरोधीपक्षनेते विजय वडेट्टीवार यांनी केला आहे. या योजनेसाठी राज्य सरकारने निविदा न काढताच ठराविक कंत्राटदारांना कंत्राट दिल्याचा आरोपही त्यांनी केला आहे. वडेट्टीवार यांच्या आरोपामुळे राजकारण तापण्याची शक्यता आहे. (Latest Marathi News)

गेल्या वर्षी दिवाळीमध्ये राज्य सरकारने (Maharashtra Government) गोरगरिबांना १०० रुपयांमध्ये आनंदाचा शिधा वाटप करण्यात आला होता. यामध्ये एक लिटर पामतेल, आणि प्रत्येकी एक-एक किलो साखर, रवा, चणाडाळ असलेले किट शिधापत्रिकाधारकांना देण्यात आले होते. राज्यातील अनेक नागरिकांना याचा लाभ मिळाला होता. तर काही ठिकाणी शिधा वाटपात भ्रष्टाचार होत असल्याचा आरोपही केला होता.

विधानसभेचे विरोधीपक्षनेते विजय वडेट्टीवार (Vijay Wadettiwar) यांनी बुधवारी माध्यमांसोबत संवाद साधला. यावेळी त्यांनी राज्यातील शिंदे फडणवीस सरकारवर जोरदार टीका केली. 'आनंदाचा शिधा' या राज्य सरकारच्या महत्वाच्या योजनेमध्ये मोठा भ्रष्टाचार झाल्याचा आरोप वडेट्टीवार यांनी केला.

ऐनसनासुदीच्या तोंडावर 'आनंदाचा शिधा' या योजनेची निविदा प्रक्रिया पार न पाडताच अवघ्या तीन दिवसांत कंत्राट देण्यात आलं, त्यामुळे हा आनंदाचा वर्षाव कुणासाठी? याचं उत्तर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी द्यावं, अशी मागणी सुद्धा विजय वडेट्टीवार यांनी केली.

पारदर्शक प्रक्रियेवरून ई पोर्टलद्वारे निविदा मागवा, चोरासारखं मागच्या दाराने घाईघाईने कंत्राट दिल्याने आपण याविरोधात आवाज उठवणार असल्याचा इशारा देखील वडेट्टीवार यांनी शिंदे-फडणवीसांना दिला आहे. दरम्यान, आनंदाच्या शिधा योजनेत भ्रष्टाचार झाल्याचा आरोप झाल्यामुळे यामुळे राजकीय वातावरण तापण्याची चिन्ह आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pune Crime : पुण्यातील प्रसिद्ध रीलस्टारवर जीवघेणा हल्ला, तिघांकडून बेदम मारहाण; शहरात खळबळ

Hafiz Saeed: मुंबई हल्ल्याच्या मास्टर माईंड हाफिसला भारताच्या ताब्यात देणार पाकिस्तान; प्रत्यार्पणासाठी ठेवली मोठी अट

Dry Fruits: पावसाळ्यात ड्राय फ्रुट्स साठवण्यासाठी वापरा 'या' सिंपल टिप्स

Sunday Horoscope : आषाढी एकादशीला होणार विष्णूची कृपा; 'या' राशींच्या लोकांवर धनाचा वर्षाव होणार

Ind vs Eng Live, 2nd Test: अबब! इंग्लंडच्या संघासमोर ६०० पेक्षा जास्त धावांचं आव्हान; टीम इंडियाकडून डाव घोषित

SCROLL FOR NEXT