Amravati News: अमरावती जिल्हा स्त्री रुग्णालय येथे मागील दोन तासांपासून विजपुरवठा खंडित झाला असून गर्भवती महिला व लहान बालकांचे हाल होत आहे.

या संदर्भात रुग्णालय प्रशासनाला माहिती विचारणा केली असता, लाईनचे काम सुरु असल्याचे सांगण्यात येत आहे. जवळपास 250 गर्भवती महिला या ठिकाणी दाखल आहेत.  (Latest Marathi News)

वीज नसल्याने गर्मीने रुग्ण हैराण झाले आहे. याचवेळी राज्याचे विरोधी पक्षनेते विजय वडेट्टीवार हे अमरावती दौऱ्यावर असताना त्यांनी जिल्हास्तरीय रुग्णालयाला भेट दिली आणि चांगला संताप व्यक्त केला.

या दयनीय अवस्थेला जबाबदार कोण? एका मंत्र्याकडे पाच-पाच जिल्ह्याचा पालकमंत्रीचा पदभार आहे. कोणाचं लक्ष नाही. जर कुणाच्या जीवाचं कमी जास्त झालं तर आरोग्यमंत्र्यावर सदोष मनुष्यवधाचा गुन्हा दाखल करावा लागेल. लोकांना गृहीत धरून जे राज्य चालवलं जात आहे, ही जी सत्तेची मस्ती आहे, ही या ठिकाणी दिसून येत आहे.