अमर घटारे 

अमरावती : महाराष्ट्र आणि मध्य प्रदेशच्या सीमेवर असलेल्या मेळघाट प्रादेशिक वनविभागाच्या सुसर्दा वनपरिक्षेत्रात (Tiger) वाघाचा मृत्यू झाल्याचे समीर आले आहे. याबाबत वन विभागाकडून (Forest Department) पंचनामा करण्यात आला. मात्र वाघाच्या मृत्यूचे कारण शवविच्छेदन झाल्यानंतरच समोर येणार आहे. (Tajya Batmya)

महाराष्ट्र- मध्यप्रदेश राज्याच्या सीमावर्ती भागात मेळघाट प्रादेशिक वनविभागाची हद्द असलेल्या सुसर्दा वनपरिक्षेत्रातील हिराबंबई जंगलात वाघांचे वास्तव्य आहे. दरम्यान या जंगलात एका वाघाचा मृत्यू झाला आहे. वन कर्मचारी वस्तीवर असताना वाघाचा मृतदेह या कर्मचाऱ्यांना दिसून आला. त्यांनी तात्काळ याबाबतची माहिती वरिष्ठाना कळविली. यानंतर वन विभागाकडून मृतदेहाचा पंचनामा करण्यात आला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मृतदेह शवविच्छेदनासाठी रवाना
नाव विभागाकडून पंचनामा केल्यानंतर वाघाचा मृतदेह शवविच्छेदनासाठी पाठविण्यात आला आहे. या वाघाचा मृत्यू वृद्धापकाळाने (Amravati) झाल्याचा प्राथमिक अंदाज वनविभागाने वर्तविला आहे. मात्र शवविच्छेदन अहवालानंतरच मृत्यूचे कारण स्पष्ट होणार असल्याचे देखील सांगण्यात आले.