अमर घटारे 
अमरावती : अमरावती जिल्हा मध्यवर्ती कारागृहातील भिंतीवरून पुन्हा चेंडू फेकून त्याद्वारे गांजा आणि गुटख्याचा (Amravati) पुरवठा करण्यात येत असल्याचा धक्कादायक प्रकार घडला आहे. याप्रकरणी कारागृह (Jail) कर्मचाऱ्यांच्या तक्रारीवरून फ्रेजरपुरा पोलिसांनी अज्ञाताविरुद्ध गुन्हा नोंदविला आहे. (Latest Marathi News)

अमरावती मध्यवर्ती कारागृहात बाहेरून गांजा, गुटखा पुरवठा केला जात असल्याचा धक्कादायक प्रकार पुन्हा एकदा समोर आला आहे. यापूर्वी देखील असा प्रकार घडल्यानंतर पुन्हा असा प्रकार घडल्याने येथील सुरक्षा व्यवस्थेवर प्रश्नचिन्ह निर्माण केले जात आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सुनील फुकरे हे मध्यवर्ती कारागृहात कर्तव्यावर बजावत होते. दरम्यान दुपारच्या सुमारास कारागृहातील टीनपत्रावर काहीतरी वस्तू आढळल्याचा त्यांना आवाज आला. त्यावेळी त्यांनी तिथे जाऊन पाहणी केली असता, एक लाल रंगाचा चेंडू आढळून आला. त्यामध्ये त्यांनी गार्डला चेंडूवर लक्ष ठेवायला सांगून तातडीने या प्रकाराची माहिती कारागृह अधीक्षक यांना दिली. त्यांच्या आदेशानुसार फ्रेजारपुरा पोलीस स्टेशनमध्ये तक्रार दाखल करण्यात आली.