- अमर घटारे

अमरावती : समाज माध्यमातून (social media) राष्ट्रवादी काँग्रेस पक्षाचे (ncp) अध्यक्ष शरद पवार (sharad pawar) यांच्यावर अभिनेत्री केतकी चितळे (ketaki chitale) हिने आक्षेपार्ह पोस्ट केल्याप्रकरणी तिच्यावर अमरावतीत गुन्हा दाखल झाला आहे. (ketaki chitale latest marathi updates)

अमरावती जिल्हा ग्रामीण महिला राष्ट्रवादी काँग्रेस पक्षाच्यावतीने अभिनेत्री केतकी चितळे हिच्या विरोधात अमरावती शहरातील गाडगेनगर पोलीस ठाण्यात तक्रार दाखल करण्यात आली हाेती. राष्ट्रवादी काँग्रेसच्या ग्रामीण महिला अध्यक्ष संगीता ठाकरे यांनी केतकी चितळी वर भारतीय दंड संहितेनुसार कलम ५०० आणि कलम ५०१ नूसार गुन्हा दाखल करा अशी मागणी देखील हाेती.

या तक्रारीची शहनिशा करुन आज (रविवार) गाडगेनगर पोलीस ठाण्यात केतकी चितळे विरुद्ध कलम ५०० आणि ५०१ नूसार दाखल केल्याची माहिती पाेलीसांनी दिली. दरम्यान अभिनेत्री चितळे हिच्या विराेधात राज्यातील विविध पाेलीस ठाण्यात तक्रारी दाखल हाेऊ लागल्या आहेत. त्यामुळे तिच्या अडचणीत वाढ हाेणार अशी शक्यता समाज माध्यमातून वर्तवली जात आहे.

Edited By : Siddharth Latkar