अमर घटारे, साम टीव्ही

Amravati Crime News: गेल्या काही दिवसांपासून राज्यात महिलांवरील अत्याचाराच्या प्रमाणात मोठी वाढ झाली आहे. यामध्ये अल्पवयीन मुलींवर होणाऱ्या अत्याचारांचं प्रमाण सर्वाधिक आहे. एकीकडे पोलिस अत्याचार करणाऱ्या आरोपींच्या मुसक्या आवळत असताना, दुसरीकडे अमरावती जिल्ह्यातून एक संतापजनक घटना समोर आली आहे. (Latest Marathi News)

अमरावतीत १२ वर्षीय अल्पवयीन मुलीवर तीन नराधमांनी सामूहिक अत्याचार केला आहे. जिल्ह्यातील शिरजगाव कसबा पोलिस ठाण्याच्या हद्दीत गुरूवारी (२७ एप्रिल) सायंकाळच्या सुमारास ही संतापजनक घटना घडली.

याप्रकरणी पीडित मुलीच्या कुटुंबीयांनी फिर्याद दिल्यानंतर पोलिसांनी (Police) पोस्को कायद्याअंतर्गत गुन्हा दाखल केला असून तातडीने तपासाची चक्रे फिरवत तिन्ही आरोपींच्या मुसक्या आवळल्या आहेत. या घटनेमुळे परिसरातून मोठा संताप व्यक्त केला जात आहे.

मिळालेल्या माहितीनुसार, १२ वर्षीय मुलगी जिल्ह्यातील (Amravati) शिरजगाव कसबा पोलिस ठाण्याच्या हद्दीत राहते. पीडिता गुरूवारी सायंकाळच्या सुमारास घरालगत असलेल्या शेतात जनावरांसाठी चारा आणायला गेली होती. यावेळी तिच्या सोबत कुणी नसल्याचं पाहून आरोपींनी तिची वाट अडवली.

पीडितेला बाजूच्या एका शेतात नेत नराधमांनी तिच्यावर सामूहिक (Crime News) अत्याचार केला. अत्याचारानंतर आरोपी घटनास्थळावरून फरार झाले. या संपूर्ण प्रकाराची माहिती पीडितेने कुटुंबीयांना दिली. त्यांनी तातडीने मुलीला घेऊन पोलिस ठाणे गाठले.

दरम्यान, तक्रार प्राप्त होताच पोलिसांनी तपासाची चक्रे फिरवत तिन्ही नराधमांच्या मुसक्या आवळल्या आहेत. या घटनेनं परिसरातून संतापाची लाट उसळली आहे. घटनेचा अधिक तपास शिराजगाव कसबा पोलीस करीत आहेत.

Edited by - Satish Daud