अरुण जोशी

अमरावती : भाजपचे नेते आणि माजी राज्यमंत्री आमदार प्रवीण पोटे (Pravin Pote) पाटील एज्युकेशन कॉलेजच्या मुख्य प्रवेशद्वारा समोर आज सकाळी 11 वाजेच्या सुमारास लोखंडी शिळीमध्ये विद्युत प्रवाह येऊन 4 कर्मचाऱ्यांचा दुर्दैवी मृत्यू झाला आहे. या घटनेमुळे परिसरात एकच खळबळ उडाली आहे. (amravati news today marathi)

पोलीस (Police) सूत्रांच्या मिळालेल्या माहितीनुसार कठोरा रोडवरील पी. आर. पोटे पाटील एज्युकेशनल इन्स्टिट्यूट मधील मुख्य प्रवेश द्वाराचे रंग रंगोटीचे काम सुरू आहे. त्याच मुख्य प्रवेशद्वारा समोरून हाय टेन्शन लाईन गेली आहे. आज कॉलेज चे 4 शिपाई अक्षय सावरकर, प्रशांत शेलोरकर, संजय दंडनाईक आणि गोकुल वाघ हे आज सकाळी मुख्य प्रवेश द्वाराचे रंग रंगोटी करतांना लोखंडी शीळीची हाय टेंशन लाइनला स्पर्श झाला आणि चारही कर्मचाऱ्यांचा जागीच दुर्दैवी मृत झाला.

हे देखील पहा-

विद्युत प्रवाह इतका जास्त होता की लोखंडी शिळी चे पाय जागीच वितळले आहेत. घटनेची माहिती पोलिसांना मिळताच DCP मकानंदार सह पोलीस प्रशासन घटनास्थळी दाखल झाले असून पुढील तपास सुरू आहे.