Raigad guardian minister : महायुती सरकारमध्ये पालकमंत्रिपदावरुन जोरदार रस्सीखेच सुरु आहे... त्यामुळेच रायगड आणि नाशिकच्या पालकमंत्रिपदाला स्थगिती देण्यात आली. तब्बल 4 महिन्यानंतर आता पालकमंत्रिपदाचा तिढा सुटण्याची आशा निर्माण झालीय. त्याला कारण ठरलंय सुनील तटकरेंची लंच डिप्लोमसी. रायगड दौऱ्यानंतर अमित शाह, मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदेंनी स्नेहभोजनासाठी तटकरेंच्या घरी हजेरी लावली. मात्र ही कौटूंबिक भेट असल्याचं तटकरेंनी म्हटलंय..

सरकारने जाहीर केलेल्या यादीत रायगडचं पालकमंत्रिपद आदिती तटकरेंना तर नाशिकचं पालकमंत्रिपद गिरीश महाजनांना देण्यात आलं होतं. मात्र त्यावर शिंदे गटाने आक्षेप घेतल्यानंतर अवघ्या 24 तासात रायगडच्या पालकमंत्रिपदाला स्थगिती देण्यात आली. त्यानंतर शिंदे गट विरुद्ध अजित पवारांची राष्ट्रवादी यांच्यात चांगलीच खडाजंगी रंगली होती.. एवढंच नाही तर अमित शाहांच्या दौऱ्यापुर्वी शिंदे गटाने उठाव करण्याची भाषा केली....

असं असलं तरी रायगडच्या कार्यक्रमानंतर अमित शाहांनी तटकरेंच्या घरी स्नेहभोजनाला जाणं पसंत केलं... स्नेहभोजन करता करता अमित शाहांनी पालकमंत्रिपदाचा तिढा सोडवला अशी चर्चा आता रंगलीय.. आता ही शाहांचा कौल तटकरेंच्या बाजूने असणार की भरत गोगावलेंच्या? हे पाहण महत्वाचं