अमर घटारे

अमरावती : अमरावती जिल्ह्यातील अंजनगाव सुर्जी ते दर्यापूर मार्गावर दर्यापूरकडून अंजनगावकडे (Amaravati) येणाऱ्या कार अचानक आग लागली. धावत्‍या कारमधून धूर येत असल्‍याने चालकाने प्रसंगावधान (Burning Car) राखत कार थांबविली. यामुळे मोठा अनर्थ टळला. (Tajya Batmya)

अंजनगाव सुर्जी ते दर्यापूर मार्गावर हा बर्निंग कारचा थरार पहावयास मिळाला. भरधाव वेगाने जात असलेल्‍या कारला चालू स्थितीत आग लागली. आग लागली असल्याचे गाडीत बसलेल्या गाडीचे मालक पुरुषोत्तम दातीर व त्यांच्या भाचा हिमांशू भावे यांच्या लक्षात येताच चिंचोली फाट्यावर कार थांबवली. काही क्षणातच कारने पेट घेतला.

कार जळून खाक

मामा व भाचा गाडी खाली उतरले व लगेच अंजनगावसुर्जी येथील अग्निशामक दलाला (Fire Brigade) कळवण्यात आले. अग्निशामक दलाचे वाहन येईपर्यंत कार जळून खास झाली होती. वाहनात बसलेल्याच्या सतर्कमुळे कुठलीही जीवित हानी झाली नसून कार जळून खाक झाल्याने कारचे नुकसान झाले.