अमर घटारे

अमरावती : विदर्भात दिवसेंदिवस तापमानाचा पारा वाढत आहे. मंगळवारी (Amaravati) अमरावतीत दुपारी तीन वाजता ४४ डिग्री अंश सेल्सिअस तापमान (Temperature) होते. यामुळे उष्‍णतेच्‍या झळा जाणवत होत्‍या. मात्र हवामान विभागाने पावसाचा अंदाज वर्तविला आहे. (Tajya Batmya)

अमरावती जिल्‍ह्यासह विदर्भात आजपासून पुढील पाच दिवस ढगाळ वातावरण असून विजेच्या कडकडासह पावसाचा इशारा अमरावती हवामान विभागाचे तज्ञ अनिल बंड यांनी दिली. तर आजपासून ढगाळ वातावरण असूनही ४१ ते ४२ डिग्री तापमान राहणार असल्याची माहिती हवामान तज्ञ अनिल बंड यांनी दिली.

अमरावती जिल्ह्यात तापमान वाढत असल्याने शहरातील रस्ते निर्मनुष्य झाले आहेत. तर उन्हाची दाहकता भागविण्यासाठी नागरिकांची शीत पेयाच्या दुकानावर मोठी गर्दी झालेली पाहायला मिळत आहे. आज ढगाळ वातावरण असूनही उष्‍णतेच्‍या झळा जाणवत आहेत. यामुळे नागरीक रूमाल, टोपी परिधान करूनच बाहेर पडत आहेत.