अकोला : पाणीपट्टी करवाढ विरोधामध्ये शिवसेनेने अकोला महापालिकेसमोर आज आंदोलन केले. या आंदोलनामध्ये (Agitation) शिवसेनेने पाणीपट्टी करच्या पावत्याची होळी करीत मनपातील भाजप सत्तेधारी व मनपा प्रशासन यांचा विरोध केला. भाजप विरोधात जोरदार नारेबाजी करीत ही वाढीव पाणीपट्टी कर दरवाढ कमी झाली पाहिजे, अशी मागणी शिवसेनेने (Shivsena) रेटून धरली.

हे देखील पहा :

महापालिकेने (Akola Muncipal Corporation) नागरिकांना वाढीव पाणीपट्टी कर वाढीची बिले दिली आहे. त्यामुळे नागरिकांचे खिशाला कात्री लावण्याचा प्रयत्न भाजप सत्ताधारी व मनपा प्रशासन करीत असून मनपा जादा कर वसुली करीत आहे. या विरोधामध्ये शिवसेनेने आवाज उठवीत महापालिकेसमोर जोरदार निदर्शने केली. यावेळी शिवसेनेच्या पदाधिकाऱ्यांनी मनपातील भाजप सत्ताधारी व मनपा प्रशासना विरोधात नारेबाजी करत वाढीव पाणीपट्टी कर कमी करावी, अशी मागणी केली.

त्यासोबतच नागरिकांच्या पाणीपट्टी कर पावत्यांची होळी करीत भाजप (BJP) सत्ताधाऱ्यांचा निषेध केला. मनपातील शिवसेनेचे गटनेता नगरसेवक राजेश मिश्रा यांच्या नेतृत्वामध्ये निदर्शने करण्यात आली. या आंदोलनामध्ये शिवसेनेच्या महिला नगरसेविका व पदाधिकारी, शिवसैनिक मोठ्या संख्येने उपस्थित होते.

Edited By : Krushnarav Sathe