अक्षय गवळी 

अकोला : पिण्याच्या पाण्याचा पुरवठा करण्यात आल्यानंतर घराच्या नळाला पाणी आले. यामुळे महिलांची पाणी भरण्यासाठी धावपळ सुरु होती. याकरिता इलेक्ट्रिक पाण्याची मोटार लावली होती. मात्र मोटार सुरु असताना पाणी भरत असताना मोटारीला स्पर्श झाला. यात विद्युत प्रवाह उतरलेला असल्याने विजेचा जोरदार झटका बसून महिलेचा मृत्यू झाल्याची घटना अकोला शहरात आज दुपारच्या सुमारास घडली आहे. 

अकोल्यातल्या डाबकी रोडवरील भीम नगरातही आज अशीच घटना घडली असून संगीत शिरसाठ या महिलेचा मृत्यू झाला आहे. नळाला पाणी आल्यानंतर त्यावर पाण्याची मोटर सुरू असताना त्याला हात लावताय? तर सतर्कता बाळगा. कारण अकोल्यात नळाचे पाणी भरताना विजेचा धक्का लागून एका महिलेला आपला जिव गमवावा लागला आहे. अकोल्यात नळाचं पाणी भरत असताना नळ्यातील पाण्याचा फोर्स वाढवण्यासाठी नळावर घरोघरी पाणी मोटर लावल्या जातात. यामुळेच दुर्घटना घडली आहे. 

पाणी भरताना घसरला पाय 

अकोल्यातल्या डाबकी रोडवरील भीम नगरातही आज अशीच घटना उजेडात आली आहे. दुपारच्या वेळी भीमनगरात महापालिकेकडून पाणीपुरवठा करण्यात आला होता. यावेळी संगिता शिरसाठ यांनी नळावरील पाणी मोटर सुरु केली. संगीता यांचा घरात पाणी भरत असताना अचानक त्यांचा पाय घसरला आणि त्यांचा तोल जात पाण्याच्या मोटरला स्पर्श झाला. त्यामुळे संगीता यांना जोरदार विजेचा झटका बसला. 

क्षणात झाले होत्याचे नव्हते 

पाणी भरण्यासाठी सुरु असलेल्या पाण्याच्या मोटारीवर संगीता या पडल्याने त्यांना विजेचा जोरदार झटका बसला. विजेच्या जोरदार शॉक लागल्यामुळे त्यांचा जागीच दुर्देवी मृत्यू झाला. दरम्यान या प्रकरणात डाबकी रोड पोलिसांनी आकस्मित मृत्यूची नोंद केली असून तिचा मृतदेह शवविच्छेदनासाठी अकोल्याच्या शासकीय रुग्णालयात नेण्यात आला आहे. संगीताच्या मृत्यू पश्चात पती आणि एक मुलगा, एक मुलगी आहे.