अक्षय गवळी 
अकोला : लोकसभा निवडणुकीच्या अनुषंगाने मतदान करण्यासाठी जिल्हा प्रशासनाकडून जनजागृती (Akola) केली जात असते. अर्थात आपला हक्क बजावून मतदानाचा टक्का वाढावा हा त्यामागील उद्देश असतो. अशाच एका हेअर सलून व्यावसायिकाने मतदान जनजागृतीसाठी पुढाकार घेत चक्क एक अभिनव उपक्रम सुरू केलाय. (Tajya Batmya)

अकोल्यातल्या रामदास पेठ भागात असलेले अनंता कौलकर हेअरसलून सध्या चांगलेच चर्चेत आले आहे. अनंताच्या मतदान जनजागृतीच हा उपक्रम नक्कीचं मतदान करण्यासाठी आणि लोकशाही बळकट करणार असणार आहे. (election) मतदान करून बोटावरची शाई दाखवा आणि मोफत हेअरकट करा. असं हे अभियान सलून व्यवसायिकांने सुरू केले. या अभियानाची सध्या जिल्हाभरात सर्वत्र चर्चा सुरु असून त्याच्या या अभियानाचे आता सर्वत्र कौतूक होत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दुकानावर लावले फलक 

लोकसभा निवडणुकीच्या (Lok Sabha Election) मतदानाला अद्याप काही दिवस शिल्लक आहे. परंतु सलून व्यावसायिक अनंता कौलकर यांनी मतदान केल्यानंतर बोटावरची शाई दाखवा आणि मोफत हेअरकट करून जा; या सुरु केलेल्या अभियानाबाबत आतापासूनच फलकही ठिकठिकाणी दुकानात झळकले आहे.