अकोला जिल्ह्यातील मुर्तीजापूर मार्गावर बोरगाव मंजुजवळ आज संध्याकाळी सहाच्या सुमारास 'द बर्निंग' कारचा थरार पाहायला मिळाला. मुर्तीजापुरकडून अकोल्याकडे येत असलेल्या कारला एकाएकी आग लागल्याने कारने पेट घेतला. त्यावेळी सुदैवाने चालक आणि इतर एका व्यक्तीने सतर्कता बाळगत कार रस्त्यालगत उभी करत उडी घेतल्याने जीवितहानी टळली. शॉर्टसर्किटमुळे कारला ही आग लागल्याचे बोलले जात आहे. या आगीत कार पूर्णपणे जळून भस्मसात झाली.

अकोल्याच्या राष्ट्रीय महामार्गावरील बोरगावमंजूजवळ कारने पेट घेतला. आज सायंकाळी सहा वाजताच्या सुमारास ही आगीची घटना घडली अकोल्यावरून अमरावतीकडे जात असताना या कारमधून अचानक धूर निघत असल्याचे चालकाच्या लक्षात आलं. चालकाने तातडीने कार महामार्गलगत उभी केली आणि कारमधील सर्व जण खाली उतरले. स्थानिक लोकांनी आग विझवण्याचा प्रयत्न केला. मात्र बघता बघता आगीची तीव्रता वाढली अन् आगीने पूर्ण कार जळून खाक झाली.

आगीच्या घटनेत कार पूर्णतः जळून खाक झाली आहे. सुदैवाने या घटनेत कुठल्याही प्रकारची जीवितहानी झाली नाही. मात्र हा बर्निंग कारचा थरार अर्धा तास सुरू होता. याची माहिती अग्निशमन दलाला देण्यात आली. अग्निशमन दलाने घटनास्थळी धाव घेत आग आटोक्यात आणली. मात्र तोपर्यंत आगीत कार पूर्णता जळून खाक झाली. या आगीमुळे कारचं मोठं नुकसान झालं. कारच्या इंजिनमध्ये तांत्रिक बिघाड झाल्याने आग लागली असल्याचे सांगितले जात आहे.