अकोला : ‘आप’चे राष्‍ट्रीय नेते मनीष सिसोदीया यांच्‍या विरोधात झालेल्‍या सीबीआय चौकशीच्‍या विरोधात (Akola) अकोल्‍यात निषेध करण्यात आला. जिल्‍हा (BJP) भाजप कार्यालयासमोर ‘आप’ने घोषणाबाजी करत आंदोलन केले. (Tajya Batmya)

आम आदमी पार्टीचे राष्ट्रीय नेते आणि दिल्लीचे उपमुख्यमंत्री मनीष सिसोदिया यांच्या विरोधात केंद्रातील भाजप सरकारने सीबीआयमार्फत चुकीच्या पध्दतीने कारवाई केल्‍याच्‍या निषेधार्थ आज अकोल्यातील जिल्हा भाजप कार्यालयासमोर आम आदमी पार्टीच्यावतीने आज जोरदार घोषणाबाजी करत आंदोलन करण्यात आले. या आंदोलनात (AAP) आम आदमी पार्टी पदाधिकारी व कार्यकर्ते मोठ्या संख्येने सहभागी झाले होते.

पक्ष म्हणून आम आदमी पार्टीला चांगले यश मिळत आहे. किंबहुना केवळ आम आदमी पार्टी हा एकच पक्ष आहे. जो भाजपला पराभूत करू शकतो, याची भीती व पुरेपूर जाणीव भाजपला आहे. या भीतीमुळेच ‘आप’ला भाजप सरकार लक्ष्य करत आहे. आम आदमी पक्षाविरोधात खोट्या प्रकरणांच्या आधारावर सीबीआय सारख्या संस्थांमार्फत कारवाई करत असल्‍याचा आरोप यावेळी करण्यात आला. यावेळी भाजप सरकार विरोधात जोरदार घोषणाबाजी करण्यात आली.