अक्षय गवळी 

अकोला : अकोल्यात कचऱ्याला लावलेल्या आगीमुळे कार सर्व्हिस सेंटरमध्ये लावलेल्या चारचाकी (Akola) गाड्यांना देखील आग लागल्याची घटना घडली. या आगीत दोन कार पूर्णपणे जाळून गाड्यांचे प्रचंड नुकसान झाले आहे. 

अकोला शहरातील अकोला- खामगाव रस्त्यावर ओंमकार रीजन्सीजवळ चारचाकी वाहनांचे सेंटर असून येथे चाकी गाड्या मोठ्या प्रमाणात दुरुस्तीसाठी येत असतात. अचानक सर्विस सेंटरमधील कचऱ्याला लागलेल्या (Fire) आगीचा भडका चारचाकी वाहनापर्यंत पोहोचला आणि दोन चारचाकी वाहने क्षणार्थात जळून खाक झाली. काही क्षणातच कचऱ्याने पेट घेतल्यामुळे डिझेलला आग लागली. यामुळे चार चाकीचे मोठ्या प्रमाणात नुकसान झाले असून, ऐन उन्हाळ्यात आगीच्या घटनेत झालेली वाढ पाहता जिल्हा प्रशासनाने खबरदारी घेण्याच्या सूचना दिल्या आहेत.

ओंमकार रेजन्सीजवळील चारचाकी वाहनाच्या सर्व्हिस परिसरातील कचरा जाळला होता. या आगीत दोन कार पूर्णपणे जळून खाक झाल्या. या आगीच्या घटनेमध्ये सुदैवाने कुठलीही जीवितहानी झाली नसून आग विझविण्यासाठी महानगरपालिकेच्या (Fire Brigade) अग्निशमन दलाला पाचारण करण्यात आले होते. आग आटोक्यात आणली खरी मात्र तोपर्यत दोनही वाहनांचं मोठं नुकसानं झाले.