अक्षय गवळी 

अकोला : दोघांमध्ये किरकोळ कारणातून झालेल्या वादातून डोक्यात दगड घालून निर्घृण हत्या करण्यात आल्याची धक्कादायक घटना अकोला शासकीय रुग्णालय आवारात घडली आहे. पहाटे चार वाजेच्या सुमारास घडलेल्या या घटनेने रुग्णालय परिसरात खळबळ उडाली असून पोलिसांनी मारेकरीस ताब्यात घेतले आहे. 

अकोला जिल्हा सामान्य रुग्णालयाच्या आवारात पहाटे चार वाजेच्या सुमारास हि धक्कादायक घटना उघडकीस आली आहे. या घटनेतील मृतकाचे नाव राजू असल्याची प्राथमिक माहिती समोर येत आहे. दरम्यान घटनेतील मृत व्यक्ती आणि मारेकरी हे एकमेकांना ओळखत होते. मात्र रात्री रुग्णालयाच्या आवारात असताना दोघांमध्ये काही तरी क्षुल्लक कारणातून वाद निर्माण झाला. या वादातून एकाने डोक्यात दगड टाकून हत्या केली. 

हत्येनंतर मृतदेहाजवळ जाऊन झोपला 

दगडाने ठेचून एका व्यक्तीची हत्या करण्यात आल्याची धक्कादायक घटना उघडकीस आली. इतकेच नाही तर खून केल्यानंतर मारेकर्‍याने शासकीय रुग्णालयात प्रचंड गोंधळ घातला होता. त्यानंतर ज्याची हत्या केली त्याच्याच शेजारी जात झोपला होता. हा संपूर्ण प्रकार आज अकोला शासकीय रुग्णालयात पहाटे 4 वाजता सुमारास घडला आहे. दरम्यान, गोंधळ घालणाऱ्या मारेकऱ्याला अखेर पोलिसांनी अटक केली आहे. तसेच घटनेचा पंचनामा करून पुढील तपास सुरू केला आहे.

दुचाकीस्वाराची खाजगी बस चालकाला दगडाने मारहाण
अंबरनाथ तालुक्यातील खोणी तळोजा रस्त्यावरील उसाटणे गावाजवळ एका खाजगी बस चालकाला दुचाकीस्वाराने दगडाने मारहाण केली आहे. या मारहाणीत बस चालक धीरज भोपी याच्या डोक्याला गंभीर दुखापत झाली आहे. बसमधील एका प्रवाशाने मारहाणीचा व्हिडिओ मोबाईल कॅमेरा चित्रित केला आहे.