अकोल्यात काँग्रेसचे नगरसेविकेच्या पतीवर भर रस्त्यात जीवघेणा हल्ला झालाय. अकोला महापालिकेच्या प्रभाग 17 च्या नगरसेविका 'साफिया बी' यांच्या पतीवर जीवघेणा हल्ला झालाय. अकोला शहरातील रामदास पेठ पोलीस स्टेशन हद्दीत ही घटना घडली आहे. याकूब खान पैलवान असं जखमी झालेल्या नगरसेविका पतीचे नाव आहे. सध्या त्यांची प्रकृती चिंताजनक असून त्यांच्यावर खासगी रुग्णालयात उपचार सुरू आहेत. नगरसेवकाच्या पतीवर हल्ला झाल्यानेजिल्ह्यात एकच खळबळ उडाली आहे.

या घटनेची माहिती मिळताच काँग्रेसचे पदाधिकाऱ्यांनी कार्यकर्त्यांनी हॉस्पिटलसमोर गर्दी केली आहे. हल्लाखोर पळून जात असताना पोलिसांनी त्याला अटक केली आहे. दरम्यान हा जीवघेणा हल्ला नेमकं कोणत्या कारणावरून झाला, याची माहिती अद्याप कळू शकली नाहीये.