Ajit Pawar vs Rohit Pawar : सांगलीच्या इस्लामपूर एनडी पाटील सभागृहाच्या उद्धाटन कार्यक्रमात रोहित पवार आणि अजित पवार या काका पुतण्यामध्ये राजकीय जुगलबंदी रंगली.. त्याला कारण होतं भावकीचं....विधानसभेतील पहिल्या भाषणाची आठवण सांगताना रोहित पवारांनी ,अजित पवार भावकीला विसरल्याचा टोला लगावला... आणि सभागृहात एकच हशा पिकला...

तोच धागा पकडून अजित पवारांनी रोहित पवारांना विधानसभा निवडणुकीत मदत केल्याची अप्रत्यक्ष कबुली दिलीय.. एवढंच नाही तर माझ्या नादाला लागू नको म्हणत अजित पवारांनी रोहित पवारांना सुनावलंय..

खरंतर सांगलीतील कार्यक्रमाआधीच सुरज चव्हाण यांच्या नियुक्तीवरुन रोहित पवारांनी अजित पवारांच्या पक्षावर टीका केली होती... रोहित पवार फक्त टीका करुन थांबले नाहीत तर अजित पवारांचा पक्षच कोकणातील नेत्याने हायजॅक केल्याचा दावा केला होता.. त्यावरुनही अजित पवारांनी रोहित पवारांना खडसावलय.

आधी अजित पवारांचा पक्ष हायजॅक झाल्याचा दावा आणि त्यानंतर थेट अजित पवारांसमोर भावकीचा मुद्दा काढून केलेली टोलेबाजी यामुळे आगामी काळात पवार काका-पुतण्या असा सामना रंगण्याची शक्यता अधिक आहे...