काेयनानगर : चेंबरी येथील शासकीय विश्रामगृहाचे नव्याने करण्यात आलेले कामकाज आपल्याला आवडले नाही. या कामाची चौकशी (enquiry) लावणार असल्याचे खूद्द उपमुख्यमंत्री अजित पवार (ajit pawar) यांनी आज (साेमवार) येथे (koynanagar) कार्यक्रमात जाहीर केले. दरम्यान चुकीच्या पद्धतीने काम करणाऱ्यांना नरकातच जावं लागेल असेही पवार यांनी म्हणताच उपस्थितांमध्ये एकच हशा पिकला. (ajit pawar latest marathi news)

उपमुख्यमंत्री अजित पवार यांनी कोयना धरणालगत नव्याने बांधण्यात आलेल्या चेंबरी शासकीय विश्रामगृहाचे उदघाटन केले. त्यानंतर कोयना धरणग्रस्तांना जमीन वाटपाच्या कार्यक्रमात बांधकाम विभागातील अधिका-यांच्या कामाचा पाणउतारा केला.

उपमुख्यमंत्री अजित पवार म्हणाले चेंबरी शासकीय विश्रामगृहाचे काम चांगले झालेले नाही. याची मी चौकशी लावत आहे. कर्मचारी आणि अधिकारी यांना पगार व सेवानिवृत्ती दिली जाते. परंतु तुम्ही काम चांगले करीत नाही. चुकीच्या पद्धतीने काम करणा-यांना नरकातच जावं लागेल. जाे चांगले काम करताे त्यांच्या पाठीशी मी राहताे सर्वांना माहिती आहे असेही पवार यांनी नमूद केले.

Edited By : Siddharth Latkar